أنـــا العزوبي وين مارحت مرتاع . .
زين العذارء . . يالعرب جننوني . . .



اشوفهم في كل روحه ومرجاع . .
من حيث ماوليت . . هم عذبوني . . .



فالبيت فالتلفاز والصوت مذياع . .
حتى العمل . . ياناس مافارقوني . . .



وليا نويت السوق ناوي تبضاع . .
اروح وارجع . . منخطف حيل لوني . . .



ارجع وقلبي حايسٍ بين الأضلاع . .
من زود دقاته . . تخلع امتوني . . .



اللي تغنج فالمشي بالتدلاع . .
واللي تناظرني . . بطرفن فتوني . . .



وام العيون السود والرمش قطـاع . . .
وام الجدايل . . والكحل بالجفوني . . .



وام النقاب اللي تمصعك تمصاع . .
قدام عيني . . والبشر يشهدوني . . .



كنهـا تمتع فـي عذابي تمتاع . .
وأنـــا العزوبي كان ربي فعوني . . .



واهل الجنوز الضيقه واهل الاوساع . .
مدري وش اللي . . حدهم يلبسوني . . .



منهـم تجرعت المراره تجراع . .
في كل يوم . . يزيد همي وحزوني . . .



لو نطلع المريخ في لحظـه وساع . .
نلقى العوايـل . . قبلنا يطلعونـي . . .



من بعد طرح وجمع وهمـوم وصـراع . .
قررت أنـــا اخطب بنت . . وانهي ظنوني . . .



وفي ليلة الفرحه تقـول اني مرتاع . .
ومن زود مافيني . . تراقل سنوني . . .



ابوهـا قـال اليوم ماني بطـماع . .
عندي شروطن . . للمهر واعذروني . . .



يقوم يوحي لي ويشر بالاصباع . .
يبغي المهـر ميتين . . او يكثروني . . .



يقول يبغى العرس في قصور واقلاع . .
ونبغى ذهب . . لام العروس المزوني . . .



ونبغى الحلا والكيك من كل الانواع . .
تـبون . . والا ياعـسا ماتبوني . . .



ناس ٍ تحسب البنت شروه ومبياع . .
تبي المكاسب . . لو زادت ديوني . . .



ماهمهم لو زاد همي والاوجـاع . .
ماهمهم ياكود . . ملي البطونـي . . .



يامؤمنن بالله ساجد وركاع . .
بنتك امانه . . حاذر انك تخوني . . .



لا تعنس ابنيتك في سّبت اشباع . .
نفسك وجمع افلوس . . ماينفعوني . . .



بكره ليا جتك المنيـه والاوجاع . .
تندم ولا ينفعك . . دمع العيوني . . .



الخيمه اللي بدون عمدان وشراع . .
يمكن تطيرها . . الهبايب بهوني . . .



أنـــا العزوبـي واتسكع تسكاع . .
تكفون بالله . . يالعرب زوجوني . .