ماكو مثل العراقية

**ADMIN**

ماكو مثل العراقية
من تمشي بلشارع الكل تاخذ تحية
وشمحلاهة بحلكهة من تكلهة جنت مريض
تكلك سودة علية
تتحملك لو الحجاج تصير
وتكلك حبيبي احسبهة علية
كلبهة جبير
شوية اكبر من الملوية
ابد ما شالت خشمهة
وكالت اني الاميرة ديانة تغسلي رجلية
اذا كالت احبك يعني خلص
متحب غيرك بعد
بس انت لتلوص ترة هية كلش ابية
تصيرلك حبيبة او صديقة او ام او اخت
وتشيلك مثل ماي البصينية
صير انت زين وياهة
او شوف اذا تلكة مثلهة بهلزمن وفية
اني احب العراقية
مو لان اني عراقي
بس لان هية بس التفتهم علية
واني شجاني او حبيت اردنية
كل ربع ساعة او تتمقلج علية
ساعة تكلي شو انتة ضعيف
او ساعى تكلي شو ماعندك شخصية
لج بابة انتي شفهمج شنو اني
انت ِ ماتفتهميني
انت ِ مو عراقية
عبالج راح احب سورية
لا عيني لا
ماريد وحدة تتفيك علية
كل شوية دزلي رسالة الي
تكلي دئلي على الموبايل مشان نحكي شوية
عمو اني اريداً عراقية
اني اريد العين شيشة عسل
او اريد الشفة لون الورد وردية
واذا يمنة حلوة الاردنية
اواذا تشك شك السورية
بس منين اجيبلهن دم العراقية
منو بيهن تكلك بية ولا بيك
او منو منهن تكلك هاك اشرب الجاي من ادية
ربهن دينهن كالت الهدوم
او شوفي البدي هذا حلو علية
وحدتهن تكول قالب ثلج
متذوب لو الفين سيليزية
او اذا كالت احبك
من البرد يكومن يرجفن ادية
وسمعهة بحلك العراقية
من تكلك اموت عليك
عبالك نيزك وكع من الشمس علية
ماكو مثل العراقية

تحياتي لحضراتكم

********

_________________

دمعة حزن · عدد الرسائل: 53 العمر: 26 تاريخ التسجيل: 02/05/2007

ايييي ع الكلام العسل اي والله اي اتكبر لاني عراقيه

ع فكره مو بس البنات هم الشباب اي ني الها التزوج عراقي طبعا بغيرته مافي, بعصبيته مافي يعني من يعصب رغم ماشبابنا يعصبون زياده عن اللزوم بس والله عسل لا وبعد لو كال كلمه احبج اتحسها من كل قلبه تطلع اتحسه
يأمرها انوا غصبا ماعليها اوعلى اهلها يحبها مو كلمه بحبك. اسفة اذا في عربي يزعل اوتزعل لمن يقرون الكلام بس هذي وجهة نضري. ع فكره موبس العراقيات يشعرن بهل شي اني عندي صديقات سوريات يشعرن هل شي

تسلم ايدك ADMIN

**احلام**

همزين اكو واحد ينصف العراقية ...لان خطيه مظلومة في هالبلد ...هي الارملة وهي ام الشهيد وعانت وما زالت تعاني

عاشت ايدك ادمن

ulul1991a

مشكورررررررررررررررررررررر ياادمن

فراشة بيتنا

مشكور

_________________